Mustilah nini ada pambantunya
Katanya Rangda nang sabanarnya
Tiada urang lain nang mangarangnya
Purnama Sari nang disabutakan
Mancium kambang tiada busan
Handak bajalan saurang badan
Ka rumah Rangda kadalam hutan
Purnama Sari urang tabilang
Mahadap Ajar urang tabilang
Handak parmisi anakda ninguang
Ka rumah Rangda manukar kambang
Ajar manyahut dangan lastari
Aduh anakku intan biduri
Jangalah lama anakda pargi
Dua tiga jam musti kambali
Purnama Sari nang ma-inggihkan
Tiada lama ulun bajalan
Kalu datang anu Rangda kasian
Mambali bunga kambali badan
Purnama Sari turun bajalan
Saurang din' ka dalam hutan
Tiada saurang inya bataman
Hanya mambawa hati dandaman
Purnama Sari datang sakarang
Inya tarabang di awang-awang
Sampai di rumah Rangda tabilang
Purnama Sari mamanggil bukai lawang
Aduh niniku bukai lawang
Ulun datang bahati pusang
Rangda manyahut pada sakarang
Dangan siapa kawan bailing
Purnama Sari manyahut pari
Ulun bailang saurang diri
Tiada takut datang ka mari
Karana hatiku sangat birahi
Rangda malihat hatinya giris
Tuan Putri iluknya manis
Tuan putri tunduk manangis
Hati dl dalam rasa d1hiris
Habar cucu datang ka mari
Tiada bakaivan saurang diri
Putri manyahut dangan lastarl
Kapada Nini Rangda urang bahari
Jadi sudi datang ka mari
Mambali bunga ada sakaki
Bunganya harum sangatnya wangi
Rangda mamandang kanan dan kiri
Purnama Sari namanya putri
Manyahut kata dangan lastari
Kalau ulun tak suka diri
Tentu tiada datang ka mari
Tija Diwa mamandang hiran
Kapada putri muda bangsawan
Sama-sama tabaraung bajajanakan
Di dalam hatinya galugupan
Purnama Sari nang damikian
Dandaman birahi hati kasmaran
Malihat Tija Diwa urang andalan
Hati pusang tabalik nyaman
Tija Diwa manyahut warti
Syukurlah datang kasuma gusti
Nang baik rupa nang baik budi
Panjang tipis pamutus hati
Syukur datang kasuma gusti
Jika datang malah nang kusuluhi
Karena kakanda lama mananti
Barapa bulan barapa hari
Tija Diwa radin bang-bang
Dangan sagara bakata pulang
Apakah habar ratu mas datang
Lakas manyahut intan dikarang
Purnama sari manyahut saba
Basar gawi tuan adinda
Handak mambali bunga suganda
Mabuk kasmaran hati adinda
Bunga kaki nang harum wangi
Namanya itu panglipur hati
Hanyalah itu katuju hati
Mudahan lipur lara baganti
Radin bakata dengan segeranya.
Adalah bunoa sangat buruknya
Salagi pula tiada baunya
Tiada patut amas ampunnya
Jika bagus kiranya kambang
Tantu sadah dibali urang
Tiada ampunnya intang di karang
Banyaklah sudah urang nang datang
Tuan putri manyahut pula
Biarpun buruk itulah bunga
Hati adinda sangat inginnya
Biar tiada babau kubali juga
Jadi kambang tiada dibali urang
Karma puhun baru bakambang
Adinda mancium mabuk kapayang
Tiada kawa kagi mambuang
Tija Diwa radin pangiran
Hatinya mancium mabuk kapayang
Bakata manis kidung cumbuan
Diwa bapantun nang malipurkan
Bunga taratai namanya pantun
Karangan ulih orang kayangan
Batimbuk hati buah satahun
Gering sakijip nang kaganangan
Bunga kacubung dari halaman
Burung galatik hinggap di tuga
Mimpi sakurung bapapalukan
Panas dingin rasa badanku
Itulah pantun radin pangiran
Bunga pandan karangan tanjung
Jika dapat nang kutampaiakan
Kapada ratu mas tuah bauntung
Manyahut pantun intan parmata
Bungs suganda di dalam kuta
Lagi raja pandusta
Bunyinya habar carita
Manyahut radin bungs bangsawan
la bapantun baganti-gantian
Rangda mandangar sukalah badan
Bibir tabalik Rangda mandangarakan
Tija Diwaa radinnya mantri
Badakat kapada tuannya putri
Dangan basagara mamigang jari
Aduh amas intan biduri
Jaliwadar jalan kandangan
Taman tiwarung dari halaman
Kalau sahibar bapapandangan
Guring sakurung makalah nyaman
Cih diriku untungnya malang
Banih ditanam tumbuh halalang
Ikam bapanggang batinggal tulang
Main batali disambar halang
Kapal di laut ka banuaku
Anak angsa mandi barandam
Malakal maut ambil nyawaku
Tiada kuasa manaruh dandaman
Radin mambujuk putri bangsawan
Ditinang-timan atas ribaan
Dipaluk cium amas tampawan
Karena hati sangan kasabaran
Aduh auras intan parmata
Kalau kiranya kakang badusta
Baik bunuh badan kakanda
Tikam lawan p1pi nang kiwa
Putri bakata dangan palahan
Kakanda nang talanjur tangan
Sambil mangibit kiri wan kanan
Talalu gila kakanda tuan
Mambujuk pula radin mantri
Sambil mamaluk tuan putri
Mudahai lacarai diri
Mabuk kasmaran apalah ini
Radin itu putra bangsawan
Batamu hati kasmaran
Tamsil kapal dart lautan
Tiada tahanti Hang malayarakan
Satalah sudah bahanti pari
Tija Diwa dan tuan putri
Batamu bacinta gati
Sakarang tiada tasabut lagi
(Syarifuddin R, 1994. Majalah Bandarmasih Banjarmasin)
Oleh : Tajuddin door Ganie M.Pd
--------------------------------
Dosen Mata Kuliah Sastra Banjar PBSID STKIP PGRI Banjarmasin
(Bagia ke-2 dari dua tulisan)
